لو عايزة تعرفى ازاى تتخلصى من المشاكل الزوجية لازم تعرفى ان الفرق بين بيت جوه هادي وبيت مليان بالمشاكل والصوت العالي هي طريقة التعامل بين الزوجين في وجود مشاكل أو أي عارض بيحصل زى اي بيت تانى ولما بيكون الزوجين متفاهمين والترابط بينهم قوي بيقدروا يأسسوا بيت ناجح واطفال اسوياء يقدروا يتعاملوا مع الدنيا بشكل صحيح و ميكونوش معقدين نفسيا، وعلشان تقدري تنجحي في تخطي اي مشكة تحصل بسلام ابدئي خدي خطوات واضحة هتعمليها أثناء يومك عشان تعالجي المشاكل دي سواء كانت المشكلة بينكوا او في حياتكوا عامة :-

عشان تقدري تحلي المشكلة بسهولة ومتاخدش وقت كبير ابدئي خطتك بلمسة لطيفة عشان تهدي الجو والأعصاب وتقدروا تتناقشوا وتوصلوا لانسب حل يرضي جميع الأطراف بالطرق التالية:

نظفي بيتك و رشي معطر جو هادي والبسي كويس ولو في اطفال اهتمي بشكلهم ولبسهم لان ده بيفرق جدا وبيهدي الاعصاب ويخليكوا تقدروا تفكروا صح

اطبخي اكلة بتحبوها لان مفيش مشكلة خالص ان يبقي في مشكلة بس بتاكلوا كويس ,حتي لو مكلتوش كويس بس ده هيدي انطباع جيد لزوجك وهيحس انك مهتمه بيه وهيكون حابب يتكلم معاكي اكتر أيا كان سبب المشكلة هيحس باهتمامك وانه مش لوحده ولو انتي سبب المشكلة او حتى هو مزعلك المشكلة هتتحل بسهولة

افصلي موبايلك واي حاجة متعلقة بمواقع التواصل الاجتماعي وخصصي وقتك لحل المشكلة

بعد ما هديتي الجو تقدري دلوقتي تبدأي تتناقشي معاه وتخلي بالك أثناء النقاش من النقاط التالية

متقوليليش انت غلطان لما تبدأي كلامك متبدأيش بالنقد لان ده هيخلي الطرف التاني يبدأ بالدفاع عن نفسه من غير ماتسمعي أسباب وممكن يشتد الحديث و متوصلوش لحل والمشكلة تزيد

اسمعيه كويس الاول وده هيكون ذكاء منك لان الانسان لما بيتكلم كتير من غير ماحد يقاطعه وبدون مايعرف رد فعل اللي قدامه بيتكلم اكتر ويقول كل اللي عنده ولو غلطان الكلام الكتير هيخليه يعترف بدون مايحس وبيخلي الحوار هادي من اول مايبتدي لحد نهايته

استخدمي كلمات يكون بيحبها زوجك اثناء الكلام وانتي بتقولي رايك في حل المشكلة او بتوضحي موقفك زي اسم ليه بيحبه او توضحي في كلامك بدون ماتقوليها مباشرة انك بتقدريه وانه غالى عندك وانك بتحترميه وانه اهم حاجة عندك الكلام ده بيفرق في النقاش جدا

بدلي كلمة انا بكلمة احنا عشان تخلي روح المشاركة تطغى علي الحديث عشان يحس انكم شركاء في كل حاجه ولو حتى في الأخطاء لو المشكلة بسبب حد من الاهل بلاش تحسسيه ان دي حاجه خاصه بيه هو وانكوا متشاركين في حل المشكلة أيا كانت هي ايه

خليكي مرنة في التعامل لو متضايقة من حاجة او حاجه مزعلاكي تناقشي بنية الوصول لحل مش اثبات ان حد غلط فيكي وفي الحالة دي الطرف التاني هيقدر وفي الأغلب هيعترف بغلطه ناحيتك

سواء كان مين سبب المشكلة او مين غلطان او مشكلة في البيت بسبب أي حاجة تانية حاولي متطوليش وقت الزعل لان لما بتتعودوا أن وجود المشكلة بيطول وده بياثر علي البيت بشكل عام وبياثر علي نفسية الأطفال وعلي مستواهم الدراسي وطريقة تعاملهم مع الناس

عشان تتجنبي كتير من المشاكل الزوجيه سيبي لزوجك مساحة من الحرية عشان ميحسش دايما انك مقيداه بحبك ليه لانه ممكن يتبسط بده في الاول بعد كده هيضايق وفي الاغلب هيحاول يكذب عليكي
بلاش يكون في شك بين الأطراف ولو حتي شاكه في أي تصرف متحسسيهوش بالشك لانك اولا ممكن تكوني غلطانة و تتسرعي في حكمك ثانيا دايما لما بندي اللي قدامنا ثقة وخصوصا لو في العلاقة بين الأزواج بيحاول الطرف الثاني يكون اد الثقه دى على اد مايقدر ولو عمل حاجة يخون بي
خلي دايما في حوار وعتاب بدون تجريح ونقد غير بناء بين أطراف البيت سواء بينك وبين زوجك او بينكوا وبين الأولاد ومفيش مشكلة ان حد يغلط وتصلحوا أخطاء بعض بالمناقشة والحلول
متسبيش مشكلتين يتراكموا علي بعض لان لما بتيجوا تحلوا واحده منهم دايما النقاش بيتحول للمشكله اللي قبلها لو ليها علاقه بيها وبيكون الحل صعب والنفوس شايله صفوا اللي بينكوا اول باول عشان تتمتعوا بحياة هادية خالية من المشاكل الصعبة