بعض الستات متعرفش أنها لو فاتتها الدورة الشهرية فده معناه مرور كذا أسبوع بالفعل من بداية الحمل وبالتالي ممكن تعرف أنها حامل حتي من قبل ما يجي موعد دورتها الشهرية وتستخدم اختبار الحمل. عشان تعرفي اذا كنتي حامل ولا لا من غير ما تستني في شوية علامات زي:

مش كل ست بيجلها نفس أعراض الحمل المبكرة دي لكن بعض الستات بتشعر بمغص بسيط يشابه مغص الدورة الشهرية وممكن نزيف بسيط لونه فاتح او دم ويكون ده في موعد مبكر عن معاد الدورة المعتاد بتاعها.

من علامات الحمل المشهورة الي ستات كتير ممكن متاخدش بالها منها تعب من غير سبب أو مجهود غير معتاد. ممكن تلاقي نفسك بتحتاجي تنامي أكتر أو بتنامي الظهر علي غير عادتك.

غممان النفس أو عدم الرغبة في تناول الطعام بيكون عادة مصاحب الحامل في أول تلت شهور من الحمل لكن الي ستات كتير متعرفهوش أن ده ممكن يظهر مبكرا حتي من قبل ما الست تعرف أنها حامل.

من علامات الحمل المبكرة الي بعض الستات مرت بيها هي الشهور بالامتلاء وانتفاخ البطن. ممكن تحسي أنك بطنك منفوخة أو أن بنطالونك مضايقك وانك محتاجة تلبسي لبس أوسع.

الاحساس بالحاجة لدخول الحمام بشكل متكرر وممكن كمان خلال الليل وعدد مرات أكتر من المعتاد بالنسبة ليكي ممكن يكون من علامات الحمل الأولي.

من الحاجات الي ممكن الست تشعر بيها لو هي حامل حتي لو قبل معاد الدورة ضيق النفس أو بمعني أدق قصر النفس وانها بتحتاج تتنفس بسرعة أسرع من المعتاد في بعض الأحيان.

في بعض الإفرازات المهبلية الي بتظهرخلال الحمل وبيكون لونها لون بياض البيض أو لون كريمي ودي برضو ممكن تظهر قبل معاد الدورة الشهرية.

في حاجات تانية كتير بتحصل للست لو هي بالفعل بدأت رحلة الحمل زي التغيرات المزاجية والشعور بالحموضة والدوخة والإمساك وكره أو حب أطعهمة محدد. كل التغيرات دي بتكون برضو من علامات الحمل المبكرة.