ازاى أكون متفائل

كثير قوي الاسباب اللي بتخلينا نتكاسل ومنكملش اي حاجة بنبداها ولا نطلع اي فكرة جديدة للنور هو التشاؤم والإيمان المسبق بأن الفكرة دي مش هتنجح سواء كان المبرر لعدم نجاحها هو اللوم على اللي حوالينا أو عدم ثقة الشخص في قدراته الذاتية أو التشاؤم من الرقم معين أو أيام معينة أو حتى أشخاص بنتشائم لما بنشوفهموعشان تتغلب على التشاؤم اللي بيكون عائق قدام اي حركة تقدم وتكون شخص ايجابي ومتفائل اتبع الخطوات التالية :-

خطوات ازاى أكون متفائل

ناس كتير بتبعد عن فكرة التفاؤل لانهم بيحسوا انها بعيدة عن الواقع وان الشخص المتفائل ده شخص عايش في الخيال وفي كون لوحدهوالحقيقة أن الاتزان مطلوب في كل شئ حتي التفاؤل مش معني انك تكون شخص متفائل انك تنسي الواقع اللي عايش فيه

لكن الفرق بين الشخص المتفائل والشخص المتشائم أن المتفائل بيبص علي المشكلة انها منحة وهتعدي وجواه يقين انه هيوصل لحل وأنه هيقدر يعديها وبيقدر فعلا يوصل فعلا لحل لان الامل اللي جواه دايما بيديله محفز انه يتحرك

و الشخص المتشائم بيكون متأكد ومتيقن ان مفيش حل مبيكونش جواه محفز انه يدور علي حل وبيكون محبط طول الوقت ومبيحاولش اصلا انه يتحرك

وجود الأشخاص المتشائمة في حياة الانسان بيبعث السلبية وبيساعد وبيشجع علي الاحباط علي العكس لما بتكون محاط بأشخاص ايجابية لانك لما بتغير طريقة تفكيرك أو تحبط بيبعثوا فيك طاقة إيجابية وامل يخلوك تعدي المرحلة دي وترجع تفكر بطريقة صحيحة

من صفات الشخص المتشائم أنه لو موجود في مشكلة او حتي و مش موجود في مشكلة ببيكون دايما مركز ع الجانب السيئ ومتجاهل الجانب الإيجابي وعشان تكون شخص متفائل وايجابي دور دايما علي الجانب المشرق وركز عليه لأنه هيديك امل تتخطى الجانب السيئ

تاني صفة من صفات الشخص المتشائم هو تجاهله للنعم اللي موجود فيها والفرق بين الشخص المتفائل والشخص المتشائم هو أن الشخص المتفائل بيدور علي أي شعاع للامل وبيحاول يشوف كل نعمة بيتنعم بيها

ناس كتير بتتشائم وبترمي سبب المشاكل اللي بتحصلهم في اليوم على رقم معين او يوم معين زي الناس اللي بتتشائم من رقم 13 أو يوم التلات او القطط اللي لونهم اسود

والحل الامثل انك تدور علي سبب المشكلة الرئيسي بدل من الاسباب الخيالية لحد ما تصدقها وطول الوقت تكون خايف منها ومحبط بسببها

 

بدل من انك تتكلم في المشاكل كتير دور لها علي حل لان كتر الكلام على المشاكل بيسبب الاحباط وبيخليك مش شايف غير المشاكل حتى لو حلها بسيط واتعود علي الحمد لأن من أقوى الأسباب اللي بتزود النعم هي الشكر عليها لانها بتخليك تشوف الدنيا بشكل مختلف وكل ما هتشوف نعمة وتحس فضلها عليك هيديك حافز وامل عشان يكون عندك نعمة غيرها

طول مانت شايف انك مظلوم وكل الدنيا جايه عليك وغلطانه في حقك طول ما انت هتفضل متشائم ومحبط ومبتدورش علي أي حلول والحل انك تشوف ايه اللي انت بتعمله غلط وتصلحه وتبطل ترمي اللوم علي الظلم او علي الاشخاص الاخرين عشان تعرف تكون ايجابي و تدور علي حلول بدل من انك تشتكي وبس