اوقات كتير بيكون مكان الشغل مرهق جسديا أو ذهنيا .وممكن يؤدي الى القلق، والصراع، والإدارة السيئة، والإرهاق وممكن أن يؤدي للإحباط وعدم الوصول للنتائج اللي بتكون عايز توصلها في الشغل

وعشان تقدر تكمل يومك علي نفس التركيز اللي بدات بيه اليوم وتشتغل بهدوء وتوصل للنتائج اللي بتسعي ليها اتبع الخطوات التالية

نصائح للتعامل مع ضغط العمل

  • هدي جسمك عن طريق التنفس
ازاى أقلل من ضغط الشغل

ازاى أقلل من ضغط الشغل

التنفس العميق يمكنه تهدئة عقلك وجسمك فلو تعبت من ضغط الشغل ومحتاج تريح اقعد في مكان لوحدك وضع يدك على بطنك وتنفس بعمق كل نفس يستغرق 50 ثانية تاخد الشهيق وتطلع الزفير ببطء لحد ماتحس بالراحة

و هتكون محتاج تركز علي أن الشهيق يكون من خلال انفك والزفير من خلال فمك

وتكرر العملية حوالي خمس مرات وحاول تفكر في انفاسك وتسيب الأفكار اللي أرهقتك في الشغل بعيدة شوية

  • خلي قدامك صورة محفزة ليك

ديما الانسان بيحتاج يفكر نفسه عن السبب اللي بيخليه يشتغل وعايز يطلع كل طاقته في الشغل زي انك تكون بتشتغل عشان تربي أولادك بشكل افضل او عشان تقدر تاخد كورس محتاجه اوو تصرف علي اي حد عزيز

خلي دايما صورة الهدف دي قدامك ولما تحس بالإرهاق والتعب بص عليها وفكر نفسك بيها

  • إرفع معدل ضربات قلبك

يمكنك تزويد معدل افراز هرمون الاندروفين اللي ليه تأثير الشعور بالراحة والاسترخاء عن طريق زيادة معدل ضربات القلب وده ممكن يحصل عن طريق الرياضة بأي طريقة ممكنة في مكان العمل

  • خرج الطاقة السلبية

عشان تساعد نفسك على الحدود حاول تخرج الطاقة السلبية اللي جواك بمعني ان لو وقت أذان تقوم تتوضأ وتصلي أو تغني بصوت هادئ ويقال ان في لعبة اليوجا بيستخدموا الهمهمات عشان تساعدهم علي صفاء الذهن والاسترخاء

وساعات بتكون الطاقة السلبية عبارة عن إحباط يصيب الشخص من عدم الوصول للهدف المطلوب منهفي الشغل

وعشان تعدي من مرحلة الإحباط دي خرجها عن طريق انك تتكلم مع زمايلك في الشغل ولو مبتعرفش تتكلم مع حد فيهم ممكن تكتبها علي ورق وتحاول تكتب خطة لتحقيقها في الوقت المطلوب

  • اسمع حاجة بتحبها

الحالة النفسية بتأثر بشكل كبير جدا في الإرهاق والتعب وعدم التركيز والموسيقى أو سماع القران او اي حاجة تكون بتحب تسمعها هتاثر بالإيجاب على نفسيتك و تحسن من مزاجك بشكل كبير وبالتالي هتديك طاقة انك تقدر تكمل الشغل

  • عطر الجو بريحة تكون بتحبها

عشان تخفف من حدة التوتر والقلق اللي بتكون موجود فيها حاول تحسن مزاجك عن طريق إعداد جو مناسب حواليك زي انك تعطر الجو بريحة تكون بتحبها عشان يساعدك علي الاسترخاء

  • طمن نفسك لفظيا

اوقات كتير الكلمة الحلوة والتشجيع بيفرق معانا والعقل الباطن بيصدق اي حاجه بتتقال لانه بيقبل المعلومات منك انت اللي انت عايز تدخلها له

والتمرين ده بسيط جربه لما يكون عندك شوية توتر أو إحباط انك تحط ايدك على قلبك وتكرر ان كل شئ على مايرام وانك هتقدرتكمل و هتوصل للي عايز توصل ليه لحد ما عقلك يصدق ويستقبل اللي بتقولهوله ويبدأ يشتغل علي الاساس ده

نصائــــح
حاول دائما تتعامل بهدوء في حياتك المهنية عشان غالبا بيكون الشغل سبب في عدم توازن حياتك الشخصية والغرض الأساسي من العمل هي استقامة حياتك الشخصية

حاول تدي لكل حاجة وقتها متاخدش شغلك البيت ولا تاخد هموم بيتك الشغل عشان تقدر تنجح في الاتنين اتعود دايما تفصل وتوازن حياتك بشكل صحيح

اغلب المشاكل اللي بتتعرض ليها في الشغل انك بتكون ماشي من غير خطة واضحة حاول ترسم خطة واضحة تشتغل عليها ممكن متظبطش في أول الأمر بس مع التعود هتكون بتعملها بشكل تلقائي