كتير مننا بيبقى عاوز يشوف رسايل الفيسبوك والواتساب وغيرهم من رسائل السوشيال ميديا والماسنجر من غير ما يظهرله علامة الـ Seen و أوقات كتير بيضطر يشوف رسايل ومش بيرد عليها وده بيسبب مشاكل بعد كده .فيه برامج كتير وإضافات على المتصفح الخاص بيك بتقدم الخدمه دي والنهارده هنعرض واحد من أهم البرامج دي واللي بيتم أستخدامها على الموبايل فقط

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Unseen – No Last Seen” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة . بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

هيفتحلك البرنامج بالشكل ده .. أفضل أضغط على السهم الصغير اللي في الجنب دي علشان تـ Skip التعليمات اللي في البداية .

البرنامج متاح لـ 4 تطبيقات ماسنجر من المنتشرين واللي بنستخدمهم بشكل كبير وهما كالأتي :

فيسبوك .

واتساب .

فايبر .

تليجرام .

حدد التطبيقات اللي عاوز تطبق عليها خاصية الـ Unseen عن طريق أنك تعلم جنبها علامة صح وبعدها أضغط على السهم الصغير اللي في الجنب .

وصلنا للخطوه الأخيره وهي أنك تسمح للتطبيق أنه يعمل integrate مع النوتيفيكيشنز الخاصه بالتطبيقات اللي عاوز تقرا الرسايل بتاعته عن طريق أنك تضغط على كلمة Enable Accessibility . وبعدها قوم بتفعيل الخاصية دي قدام أبلكيشن الـ Unseen وأرجع أفتح التطبيق من تاني

هتظهر معاك الواجهة الرئيسية للتطبيق بالشكل ده واللي هتظهرلك فيها الرسايل والأشعارات الغير مقروءة وتقدر تدخل عليها وتقراهم من التطبيق نفسه .

أدخل على إعدادات التطبيق ” Settings ” لو حبيت تعدل أي شئ زي أنك تضيف أبلكيشن تاني للقايمه بتاعتك غير فيسبوك أو واتساب .