ازاى أعمل صورة متحركة


ساعات بنحتاج نعمل صور متحركة بصيغة GIF لأستخدامها على مواقع السوشيال ميديا سواء في تسويق فكرة أو منتج أو للترفيه والمرح أو مشاركتها على الأنترنت بشكل عام  .. وفي الفتره الأخيره تم أنتشار فكرة الصور المتحركة GIF وخصوصاً لمميزاتها في سرعة التشغيل و صغر حجمها وده بيساعد أن أكبر عدد يشوفها وتنتشر بسهوله . ورغم وجود برامج كتير بتقدر من خلالها تعمل الموضوع ده وأشهرهم برنامج الـ photoshop طبعاً أو ببرامج بسيطه وحجمها صغير زي Movie to GIF .في مواقع كتير جداً بتقدم خدمة تحويل الفيديو سواء على اليوتيوب أو موقع تاني أو من على جهازك وأشهرهم طبعاً زي Giphy.com و makeagif . هنستخدم هنا موقع makeagif.com نظراً لشهرته الواسعه وأستخدامه المنتشر بين مستخدمين الأنترنت والـ GIF Makers وكمان أنه بيتيح أختيارات كتير لعمل صور بصيغة الـ GIF .

7 صوت بنسبة 57.1%
5 شخص قاموا بالتجربة

1

الطريقة اﻷولى (على اﻷنترنت)

أدخل على موقع الخاص بـ  makeagif واللي هتلاقي في المصادر في أخر المقالة والموقع ده بيوفر أكتر من أختيار لعمل صورة متحركة بصيغة GIF وهنشرحهم بالتفصيل :

  • Pictures to GIF >>> خاصية تجميع صور متتابعة وعملها في شكل صورة واحدة متحركة .

  • Youtube to GIF >>> خاصية وضع رابط لفيديو على اليوتيوب وتحويله لـ GIF .

  • Video to GIF >>> خاصية رفع فيديو أو وضع رابط لفيديو وتحويله لـ GIF .

  • Webcam to GIF >>> خاصية التصوير المباشر من الكاميرا الخاصه بيك وتحويلها لـ GIF .

  • Upload a Gif >>> خاصية أستخدام سيرفر الموقع لرفع الصور الـ GIF الخاصه بيك على الأستضافه الخاصه بالموق

1-1

تابع الطريقة اﻷولى (على اﻷنترنت)

هنختار الأختيار رقم 3 وهو Video to GIF وتلاقي طريقتين لعمل attach للفيديو وهما كالأتي :

  • رفع الفيديو من الكمبيوتر الخاص بيك .

  • وضع رابط لفيديو من الأنترنت .

أختار اللي يناسبك منهم لرفع الفيديو على الموقع علشان تقدر سيرفرات الموقع تتعامل مع الفيديو بسهولة وتتحكم في شكل الـ GIF ومدته .

2-1

تابع الطريقة اﻷولى (على اﻷنترنت)

بمجرد ما تختار الطريقة المناسبة بالنسبه ليك الموقع هيبدأ برفع الفيديو مباشرةً أستنى التحميل لحد ما يكمل للأخر

3-1

تابع الطريقة اﻷولى (على اﻷنترنت)

كده تم رفع الفيديو وجاهز أنك تتعامل معاه بأختيارات بيوفرها الموقع وهنشرحها كالأتي :-

  • عنوان الـ GIF الخاص بيك .

  • أشكال متعدده للصور وخدع بسيطه تصويريه للـ GIF .

  • أكتب كلمات دلاليه Tags على الـ GIF الخاصه بيك .

  • أمكانية تفعيل الصوت والترجمة والكتابة على الصورة المتحركة بسهولة .

4-1

تابع الطريقة اﻷولى (على اﻷنترنت)

دلوقتي الصورة المتحركة بتاعتك تمت وجاهزة للنشر على مواقع السوشيال ميديا وغيرها من المواقع على اﻷنترنت عن طريق أنك تضغط على زرار المشاركه أو Share أو عنك تاخد رابط الصورة مباشرةً

2

الطريقة الثانية (ببرنامج)

عن طريق برنامج Movie to GIF واللي تقدر تحمله من الرابط الموجود في المصادر في أخر المقال .قم بتحمل البرنامج على الكمبيوتر الخاص بيك وقوم بتثبيته عليه .. وبعد التثبيت البرنامج هيفتح لوحده تلقائياً بعد ما تضغط على كلمة Finish .

1-2

تابع الطريقة الثانية (ببرنامج)

أضغط على Open وحدد مكان الفيديو اللي عاوز تحوله لصورة GIF

2-2

تابع الطريقة الثانية (ببرنامج)

بعد ما تخلص الفيديو .. أضغط على كلمة " Save as GIF " وهتلاقي الصورة بقت جاهزه للعرض على الأنترنت .

المصـــادر