كتير مننا بيبقى عاوز يعرف بعض المعلومات عن شخص معين وعايز يشوف أيه دايرة اهتماماته وبيفكر إزاي . فأكتر حاجه بقت بتجمع كل حاجه عن الأشخاص وطريقة تفكيرهم وأهتماماتهم وبقت حياتهم اليومية هي على الفيسبوك Facebook وعن طريق اﻷداة اللي هنشرحها النهارده هتقدر تجمع معلومات كتير عن شخص معين وعن معظم الحاجات اللي بيعملها على الفيس بوك .

والطريقة دي ليست أختراق وﻻ فيها ضرر وهي في اﻷصل بتعتمد على المعلومات اللي بيجمعها عنك الفيسبوك بشكل معلن زي أنت مشترك في جروبات وبيدجات أيه ؟ عملت لايك وكومنت على بوستات وصور وفيديوهات أيه من أول ما عملت اﻷكونت وهكذا …

  • أدخل على الموقع

إدخل على الموقع الرسمى للأداة الموجود فى نهاية المقالة فى خانة المصادر بإسم Stalk Scan وتقدر تفتح اللينك من أى متصفح ومن أى جهاز سواء لاب توب أو موبايل أو تابلت .

  • حدد الشخص المراد

لازم تكون مسجل الدخول على الحساب الخاص بيك على الفيسبوك وتقوم بنسخ رابط الحساب اللي أنت عاوز تبحث عن معلومات عنه وبعدين تنتقل على موقع أداة stalkscan وتنسخ رابط الحساب في المكان المشار إليه في الصورة وبعدين أضغط على علامة ” بحث ” .

  • أحصل على ما تريد

دلوقتي هتظهرلك قوائم كتير جداً ومفصله بشكل بسيط عن كل ما يمكن إنك تعرفه عن البروفايل ده وفى الصورة التالة توضيح لعمل كل نقطة فى الأداة بالترتيب :-

1- Available options : وهي خاصية تعمل على تصفية نتائج البحث مثل خيار ” Everything ” المتخصص عن تحديد السنه اللي محتاج تشوف كل اللي حصل فيها فقط أو تسيب اﻷختيار زي ما هو “Everything” وهيجيبلك كل حاجه من أول ما تم عمل اﻷكونت لحد اللحظه اللي عملنا فيها شير .

2- Profile : وهو كل ما تم في البروفايل بالشخص اللي بندور عليه من بوستات هو كتبها او صور وفيديوهات قام بنشرها أو اﻷلعاب والبرامج اللي هو مشترك فيها وكل اللي عليك أنك تختار من القايمة دي أيه اللي أنت عاوزه يتم عرضه بالظبط .

3- Tags : القايمة دي بتعرض البوستات والصور والفيديوهات اللي تم عمل تاج فيها للشخص المراد .

4- Comments : بتعرض القايمة دي كومنتات الشخص على الصور .

5- Liked : هنا هتلاقي كل البوستات والصور والفيديوهات اللي الشخص ده عمل ليها إعجاب أو Like .

6- Places : هنا هتلاقي كل الأماكن اللي الشخص المراد زارها وعمل فيها check in وهتلاقي الجزء ده مقسم اﻷماكن لكذا تصنيف فأنت أختار أو خيار وهو All علشان تعرف كل اﻷماكن .

7- People : هنا هتلاقي معلومات عن عائلة وأصدقاء وزملاء الشخص ده .

8- Interests : القايمة دي بتضم كل أهتمامات الشخص المراد زي أيه البيدجات والجروبات اللي عملاها أعجاب أو Like وأهتماماته التانيه من الموسيقى واﻷفلام وغيرها .

  • نصائــــح

لوقف تجسس موقع Stalkscan علي حساب الفيس بوك هو القيام بضبط اعدادات الخصوصية الخاصة بالحساب من خلال الدخول علي اعدادت الحساب و الدخول الي الامان security و جعل المعلومات غير مرئية لاي شخص حتي الاصدقاء و المقربون
مسح جميع الصور و الفيديوهات التي لا نرغم ان يطاع عليها احد و مسح المشاركات الخاصة التي نريد اخفائها,طبعا هذه العملية مرهقة و صعبة و لكنها الحل الوحيد لاخفاء المعلومات الشخصية عن المتطفلين