بيعاني معظم مستخدمين الأنترنت في الوطن العربي بشكل عام وفي مصر بشكل خاص من مشاكل في بطئ خدمة الأنترنت من شركات مزودي الأنترنت وده بيأثر بشكل كبير جداً لو بتتفرج على فيديو وخصوصاُ على اليوتيوب

دلوقتي هنقدر نتغلب على المشكلة دي عن طريق إضافة متوفره في متجر الإضافات الخاصه بمعظم المتصفحات زي الفايرفوكس وجوجل كروم الإضافة دي هستساعدك على حل المشكل دي علشان تشوف أي فيديو على اليوتيوب بدون تقطيع وأسمها “SmartVideo For YouTube” أو تقدر تحملها مباشرةً من الموقع الرسمي للإضافة .

  •  ثبت الإضافة

أدخل على الموقع الرسمي للإضافة من الرابط الموجود فى خانة المصادر فى نهاية المقالة وهتلاقي الصفحة الرئيسية للإضافة بالشكل ده وهتلاقي خيارين :-

1- install SmartVideo علشان تسطب الإضافة على متصفح الفايرفوكس .

2-other browsers والأختيار ده علشان تسطب الأضافة على متصفح أخر .

أختار الأختيار الأول install SmartVideo لأن الموقع بيتعرف أتوماتيك على نوع المتصفح الخاص بيك هيظهرلك رساله أختار منها كلمة install وأستنى لحد ما التحميل يخلص وأقفل المتصفح الخاص بيك وأفتح تاني .

  •  أدخل على الأضافة

أضغط على زراز القائمة من داخل متصفح الفايرفوكس هتظهرلك قائمة أختار منها كلمة Add-ons هتظهرلك نافذه جديدة أختار منها كلمة Extensions بعدها هتلاقي فيه قايمة بكل الأضافات اللي عندك فأضغط على كلمة option اللي موجوده جنب أسم الأضافة “SmartVideo For YouTube” .. هتظهرلك قايمة أختار منها كلمة Open Preferences .

  •  ظبط إعدادات الإضافة

هتظهرلك قايمة جديدة بإعدادات الإضافة .. ظبط الإعدادت زي ما موجوده في الصورة بالظبط وخصوصاً الأجزاء اللي متحدده بالمربع الأحمر الخاصه بالـ Buffering وغير الأعدادات الخاصه بـ Smart Buffer في الجزئين عن طريق أنك تشيل علامة الصح من جنبهم وتحط القيمة زي ما مكتوبه في الصورة وبعدين أرجع حط علامة الصح مره تانيه .

  •  أستمتع

أدخل على اليوتيوب وأختار أي فيديو وأضغط على علامة الـ Pause وأستنى هتلاقي الفيديو حمل للأخر ومش هيقف زي الأول لحد وقت معين ولما يخلص التحميل هتقدر تسمع الفيديو بدون تقطيع .