إزاي تشغل اليوتيوب وانت قافل الموبايل ؟

جربت تشغل قبل كده فيديو على الـيوتيوب وتفتح فيسبوك في نفس الوقت ؟ أو جربت تشغل حاجه على اليوتيوب وتقفل التليفون وتفضل شغاله عادي ؟

في في الموبايلات الجديده زي سوني وسامسون نوت طريقة علشان تفتح بيها فيديو وانت شغال على حاجه تانيه عن طريق أنه بيعمل Floating
للشاشه بس بردوا لو قفلت التليفون علشان توفر شحن فهتلاقي الفيديو قفل بردوا

فيه طرق كتير جدا وسهله علشان تعمل الموضوع ده
فيه منها اللي بفلوس عن طريق أنك تشترك في Youtube Red
واللي بيتيح ليك مميزات كتير منها Play youtube in background
ودي الأشتراك بتاعها 9.99 دولار في الشهر

والطريقة التانيه المجانيه هي عن طريق أبلكيشن للأندرويد متاح على المتجر وده اللي هنشرحه النهارده

  •  حمل التطبيق

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Awesome Pop-up Video” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة .

  •  أفتح تطبيق اليوتيوب

أدخل على تطبيق اليوتيوب وأختار أي فيديو تحب تشغله في الخلفية أو في نافذه مصغرة ولما تنتقل لصفحة الفيديو أضغط على كلمة Share زي ما واضح في الصورة .

  •  شارك الفيديو

بعد الضغط على علامة الـ Share زي الخطوه السابقة هتظهرلك نافذة جديدة

أختار منها التطبيق اللي قمنا بتثبيته وأسمه “Awesome Pop-up Video”

علشان نشارك رابط الفيديو اللي عاوزين نشغله في الخلفية .

  •  أستمتع

هتلاقي الفيديو ظهر قدامك بالشكل ده ودلوقتي تقدر تفتح أي أبلكيشن تاني

أو تقفل الموبايل وتستمتع بسماع الفيديو اللي أنت عاوزه

وتوفر في طاقة الموبايل أو تعمل شغلك على أبلكيشن تاني .