واحدة من طرق الربح من الانترنت المشهورة فى العالم هى طريقة دروب شيبينج ( Drop Shipping) أو الشحن المؤجل وهى طريقة تعتمد على تلقى الطلبات من العملاء ثم شراء المنتج وشحنه مع الحصول على هامش ربح من كل منتج تقوم ببيعه وده بيتم عن طريق مواقع متخصصة فى الـ Drop Shipping بتقدم خدمة بيع المنتجات وشحنها مجاناً بدون دفع أى مبالغ مسبقة .

  •  حدد نوع المنتج اللى هتسوقه

أهم نقطة لازم تبدأ بيها فى موضوع الـ Drop Shipping هى إنك تحدد نوع المنتج اللى هتسوقه وإنه يكون عليه طلب و إهتمام من المستخدمين عشان تقدر تحقق هامش ربح كويس من تسويق المنتجات اللى فى المجال اللى هتختاره .

  •  ادخل على أمازون

تقدر تعرف أكثر المنتجات اللى عليها طلب عن طريق الدخول إلى موقع أمازون والدخول على قسم Today’s deals ومن خلال الإطلاع على العروض المقدمة يمكنك معرفة ما يهم الناس فى الوقت الحالى .

  •  سجل حساب بزنس فى ebay

أكبر موقع للـ Drop Shipping فى العالم أجمع هو موقع ebay العالمى ، الموقع بيقدم إمكانية عرض وبيع المنتجات مجاناً وده هيخليك قادر تسوق منتجاتك فى واحد من أكبر الأسواق العالمية اللى بيدخله شهرياً أكثر من 1 مليار شخص .

أولاً : إختار إسم للبزنس الخاص بيك ولازم يكون باللغة الإنجليزية
ثانياً : إكتب بريد إلكترونى مخصص للبزنس بتاعك
ثالثاً : إكتب رقم موبايل أو رقم أرضى

  •  إختار إسم مستخدم مناسب

فى الخطوة دى هتختار إسم مستخدم مناسب يكون متاح على الموقع وبعد كده هتملى بياناتك الشخصية زى إسمك وعنوانك وصفة إرتباطك بالبزنس .

  •  فعل موبايلك عن طريق الرسائل

بعد ملئ بياناتك هيتم تحويلك للصفحة دى اللى فيها هتختار تفعيل موبايلك على الموقع عن طريق إستقبال رسالة نصية على رقم موبايلك اللى إخترته .

  •  إكتب كود التفعيل

بعد ما تختار ارسال رسالة نصية هتوصلك رسالة فيها رقم تفعيل مكون من 4 أرقام هتكتبه فى خانة التفعيل اللى قدامك .

5 حدد نوع البزنس بتاعك
ازاى أشتغل فى الـ Drop Shipping وأحقق منه أرباح
يفضل إنك فى الخطوة دى تختار Individual عشان تعفى نفسك من تقديم أوراق تثبت ملكيتك للشركة أو عقود إيجار أو تمليك للمقر وخلافه .

  • ضيف وسيلة دفع مناسبة

الموقع هيطلب منك تضيف وسيلة دفع عشان يسحب منها فى حالة وجود عمليات Refunds أو مصاريف مطلوب دفعها وهيكون قدامك 3 إختيارات وهما الباى بال والكريديت كارد أو الحساب البنكى .