طبعاً كلنا عارفين بعد ما بنقوم بتثبيت نسخه جديده على الكمبيوتر بيتطلب بعدها في أغلب أنظمة التشغيل أنك لازم تقوم بتثبيت تعريفات الجهاز الخاصه بيك علشان تقدر تستخدم السماعات والبلوتوث والشبكات وغيرها من المميزات التانيه . لو إنت مش معاك تعريفات جهازك أو معاك بس بتقعد تسطب كل تعريف لوحده واﻷمر بياخد وقت وبيطول يبقى جرب برنامج snailsuite

أدخل على الموقع الرسمي للتطبيق وقم بتحميل التطبيق وتثبيته على جهازك الشخصي . وقم بعدها بفتح التطبيق بالشكل التالي وهتلاقي واجهة بسيطه وسهلة الإستخدام بالشكل ده هتلاقى رابط تحميل البرنامج موجود فى المصادر فى نهاية المقالة

بعد فتح التطبيق لازم تضغط على كلمة Scan علشان يقدر يفحص كل مكونات جهازك اللي محتاجه تعريفات .

التطبيق بعد ما يخلص فحص هيجبلك كل المكونات اللي محتاجه تعريفات بالشكل ده وكل اللي عليك إنك تحدد كل اللي أنت محتاج التطبيق يعمله تحديث وبعدها أضغط على كلمة Update

الخطوه دي بقى التطبيق أتوماتيك ومش هيحتاج تدخل منك هيقوم بتحميل وتثبيت التعريفات اللي أنت حددتها مباشرةً .

بعد ما يقوم البرنامج بتحميل وتثبيت التعريفات هيظهرلك الشكل النهائي للبرنامج بالشكل ده وفيه كل المعلومات عن جهازك وعن المكونات الداخليه ليه وعدد التعريفات اللي تم تثبيتها .