ازاى أستغل وقت فراغى

بتفكر إزاى تقدر تستغل وقت فراغك بالشكل الأمثل شوف الخطوات التالية وحاول تنفذها بقدر الإمكان عشان تقدر تستغل وقت فراغك المهدر بأفضل شكل ممكن


13 صوت بنسبة 75.4%
12 شخص قاموا بالتجربة

الخطوة رقم 1

خطط لوقت فراغك

خطط لوقت فراغك اعمل له برنامج تنظم فيه الحاجات اللي محتاج تعملها وقسمها وخلي لكل حاجه وقت عن طريق جدول كل حاجه تنجزها تعلم صح قدامها وفي اخر اليوم تقدر تشوف إزاى قدرت تستغل وقت فراغك ؟


الخطوة رقم 2

إنجز اللى وراك

كتير بناجل حاجات محتاجينها او محتاجين نعملها وده بيسبب لنا مشاكل بعد كده انو بيعطلنا وبيتسبب في تاجيل مهام تانيه فبيبدا التسويف يزيد اكتر وبيحصل كسل من تراكم الاشياء و ده انسب وقت تستغله انك تنجز فيه حاجات محتاجها زي انك عايز تنزل تشتري لبس عايز تخلص ورق خاصه بيك أو عايز تخلص إجراءات السفر إلى أخره ...


الخطوة رقم 3

ساعد شخص مقرب ليك

ممكن تشارك حد المهام الخاصه بيه حد من المقربين ليك او تنزل مكان تطوعي او خدمي تساعد حد محتاج المساعده هتكون علاقات بناس جديده وهتكتسب قيم جديده و متحسش بالوقت وهو بيعدي وهيخليك تقوي علاقتك بالناس المحيطين بيك وفي اي وقت هتحتاجهم و عليك ضغط هتلاقي اللي يساعدك

الخطوة رقم 4

اعمل حاجه بتحبها

خصص نوت بوك تكتب فيها الحاجات اللي بتحبها زي السفر لو بتحب تروح الجيم او تلعب اي رياضه معينه لو بتحب الكتابه أو بلاي ستيشن أو التصوير الفوتوغرافى حاول تستغل وقتك فراغك فى شئ من الأشياء دى مع الوقت هتكتشف حاجات جديده بتحبها ممكن تضيفها ليهم ومع الوقت ممكن تلاقي نفسك نميت حاجه معينه بتحبها فتتحول من هوايه لشغل يدخلك عائد

الخطوة رقم 5

اتعلم حاجة جديده

خصص جزء من وقت فراغك تستغله في انك تاخد كورس في مجال معين عايز تاخده ممكن عن طريق اليوتيوب او موقع زي يودمي او كورسيرا او ليندا  او ممكن تحضر لمحاضرين متخصصين في المجال او تتعلم لغه عن طريق كورسات او مواقع كتير علي الانترنت ده هيخلي عندك تفكير مختلف

وفي كتير من مواقع الانترنت خاصه بالتبادل اللغوي ممكن تكلم اجانب عن طريقها وتعرف ثقافات مختلفه وده ممكن يفتحلك مجالات لحاجات كتير

الخطوة رقم 6

إهتم بالزيارات العائلية

كتير مننا الحياه شغلتهم ومع توغل الانترنت فى حياتنا قلت الزيارات عشان كده ينصح بإنك تخصص جزء من وقتك تزور فيه حد من قرايبك بتحبه او مريض او صاحب ليك او اي شخص بتحب تشاركه وقتك .

نصائــــح

  • إقرأ كل يوم 4 صفحات من أى كتاب فى البيت
  • شوف فيديوهات فى مجالات مختلفة على اليوتيوب وتحديداً TEDx

الأسئلة غير المجابة
شارك بإجابة مفيدة فى هذا الموضوع

اللن

اظهر المزيد من الاسئلة