الأيلتس هو اختصار لـ ( International English Language Testing System ) وهو عبارة عن اختبار لقياس قدرتك على التواصل باللغة الإنجليزية ، واللي يثبت أن عندك مستوى معين مقبول في اللغة الإنجليزية، سواء لأغراض العمل أو الدراسة أو غيرها.. الاختبار بيعمل على تتقييم جميع المهارات اللغوية الأربعة : الاستماع والقراءة والتحدث والكتابة.

من يعترف بشهادة الـ IELTS؟
المؤسسات التعليمية في المملكة المتحدة واستراليا ونيوزيلندا وهونغ كونغ وايرلندا وجنوب أفريقيا ، وعدد كبير من الهيئات المهنية في جميع أنحاء العالم ، بما فيهم دائرة الهجرة في نيوزيلندا ، والمجلس الطبي العام التابع للمملكة المتحدة .. وبيعترف بيها أكثر من 6000 مؤسسة أخرى ، من مختلف المؤسسات في جميع أنحاء العالم.
والامتحان بيكون نوعين اكاديمي وعام وعلي حسب اختيارك بتحدد الامتحان
عشان تستعد لامتحان الايلتس لازم تعرف المراحل اللي بيمر بيها الامتحان بالترتيب عشان تهيئ نفسك للامتحان و تعدي من كل مرحلة

المراحل بالترتيب
listening
reading
writing
Speaking

  • إمتحان الإستماع

وده امتحان مكون من اربع اجزاء كل جزء مكون من 10 اسئلة بيقيس بيهم مدى فهمك للفكرة الرئيسية للحوار والمعلومات الواقعية المفصلة، والقدرة على فهم آراء ومواقف المتحدثين، والقدرة على فهم الغرض من المحادثة ، وتستخدم في المحادثات دي مجموعة متنوعة من اللهجات والأصوات المحلية للغة

وبيكون مدته 40 دقيقة 30 دقيقة للاستعماع و10 دقائق لنقل الاجابة
الجزء الأول بيتكلم عن امور في الحياة اليومية والاجتماعية زي مثلا محادثة في مكان السكن

الجزء الثاني: بيتكلم فيه شخص واحد مثلاً: مدير مؤسسة بيتكلم عن تاريخ المؤسسة وانجازاتها في مؤتمر صحفي أو خلال اجتماع عمل.
ممكن يكون في في الجزء ده خريطة او مخطط بيتم الحديث عنه او بعض الاماكن او الاجزاء فيه

أما الجزئين الثالث والرابع بيكونوا عن أمور تعليمية أو تدريبية:

الجزء الثالث: محادثة بين اثنين او اربع اشخاص في الجامعة مثلا وممكن يكون في وجود الأستاذ الجامعي ويكون الحوار حول واحد من الفروض أو المهام
الجزء الرابع:بيتكلم في الجزء جزء ده شخص واحد، ويكون الحديث عن موضوع أكاديمي، مثلاً محاضرة في الجامعة.

  • إمتحان القراءة والكتابة

وده مدته 60 دقيقة، وبيكون 3 اجزاء 40 سؤال اسئلة متنوعة ما بين إكمال الفراغات وتوصيل اجابات او اكمال نهاية جمل أو فقرات والأسئلة بتهدف لـ اختبار القدرة على فهم الأفكار الأساسية والقراءة بمجرد النظر والغرض من الكتابة

بالنسبة للامتحان الأكاديمي: النصوص المستخدمة في الجزء ده بيكون من كتب أو جرائد أو مجلات أو مصادر على الانترنت وكل الموضوعات تهم الطلبة او ماقبل التخرج

بالنسبة للامتحان العام :يتطلب اختبار مهارات القراءة في امتحان آيلتس العام قراءة مقتطفات من الكتب، والصحف، والمجلات، والإعلانات، وكتيبات الشركات، والكتيبات الإرشادية، وهي المواد اللي الشخص بيتعرض ليها في بيئة الحياة اليومية في أي بلد تكون اللغة الإنجليزية هي لغة الحياة اليومية ليها

جزء الكتابة :-

مدته 60 دقيقة، الجزء الاول منهم تقرير والتاني مقال الأول بيتطلب كتابة 150 كلمة على الأقل خلال 20 دقيقة والثاني بيتطلب كتابة 250 كلمة على الأقل خلال 40 دقيقة.

في الاختبار الأكاديمي:

الجزء الاول: يطلب من المُمتحَن كتابة تقرير لوصف مخطط أو رسم بياني، وقد يحتوي السؤال على مجموعة من رسوم بيانية أو مخططات.

الجزء التاني: يطلب من الممتحن مناقشة آراء أو إبداء رأي أو طرح أسباب أو نتائج أو حلول لمشكلة معينة، مع ضرورة طرح أمثلة وأدلة.

في الاختبار العام :

الجزء الاول : يطلب من الممتحن كتابة رد على رسالة تخص موضوع من مواضيع الحياة اليومية، مثل كتابة رسالة لمسؤول السكن لتقديم شكوى بسبب إحدى المشكلات…

الجزء التاني : يطلب كتابة مقال حول موضوع عام، مثل: كتابة مقال رد على وجهة نظر أو مشكلة أو حجة معينة.

  • إمتحان التحدث

بيكون الامتحان في جزء المحادثة واحد في الامتحانين العام الاكاديمي
مدته 14-11 دقيقة. وده بيتحدد معادة ممكن يكون في نفس اليوم وممكن يكون خلال السبع أيام قبل أو بعد الاجزاء الثلاثة الاولى

الجزء الأول: يستغرق 4 إلى 5 دقائق، ويتضمن أسئلة عن نفسه أو العائلة، العمل، الدراسة، الهوايات، وأسباب التقدم للامتحان.

الجزء الثاني: هو 3 إلى 4 دقائق، يعطى الممتحن بطاقة فيها مجموعة من الأسئلة حول موضوع معين، وعنده دقيقة واحد لتحضير إجابته، ثم يعطى دقيقتين عشان يجاوب على الأسئلة.

الجزء الثالث: مدته 4 إلى 5 دقائق، وهو يتضمن مناقشة عامة تتعلق بإجاباته في الجزء السابق.

الجزء الثالث: يقوم الممتحن بسؤال الشخص شوية أسئلة ثانية اجاباته عن نفس موضوع الحوار، وده بهدف إعطاء الشخص الفرصة لمناقشة المزيد من الموضوعات والافكار وده بيكون 4 او 5 دقائق

ذاكر من هنا:-

1 – نسبة 80% من الامتحان مبيخرجش من الـ 20 حلقة اللي في اللينك ده بشهادة الناس اللي امتنحوا (20 حلقة في 20 يوم) https://goo.gl/lNYoSt

2- دي شوية نماذج كاملة للـ44 جزء اللي هتمتحن فيهم، وبيوضحلك كل الاجزاء اللي ممكن تقع فيها في الامتحان http://goo.gl/t4bvU ( هياخد منك أسبوع مذاكرة)

3- مينفعش تدخل أي امتحان غير لما تكون حالل عليه عشرات النماذج قبل كده، الموقع ده عليه امتحانات أيلتس سابقة متقسمه وجاهزة للتحميل مجانا: https://goo.gl/hNDJBz . والموقع ده ممتاز جدا ا بيعمل محاكاة كأنك في الامتحان بالظبط وبتحل وبيصححلك الإجابات كمان ويقولك على درجاتك: http://goo.gl/JTwrGj . (تدرب عليهم في أسبوعين_شهر)
كده المجموع: شهرين، يعني لو في الاجازة تدر تستعد للامتحان براحتك

  • نصائــــح

إزاي أقدم للامتحان ومواعيده امتى؟ الامتحان في أغلب محافظات مصر وفي كل الدول العربية، والمواعيد على مدار السنة لكن غالبا في آخر 4 شهورمن السنة، هنا المواعيد بالتفصيل:http://goo.gl/LCH5hF شوف الميعاد اللي يناسبك وبعد كده هتملا نموذج التسجيل الإلكتروني من
هو لازم أكون ممتاز في الانجليزي عشان أعدي الامتحان؟ ، إنت محتاج تكون جيد فقط و مذاكر كويس لأهم أجزاء الامتحان،، لأنه أصلا معمول لغير الدول الناطقة بالإنجليزية، في 2 مليون شخص بيقدمو ليه سنويا منهم مئات الآلاف من الناجحين، فالامتحان مش إعجازي أو مستحيل.
مستواك ميقلش عن الـ B1- Intermediate – CEFR