ازاى أرسل ملف لشخص من غير ما أرفعه على الإنترنت

لو حبيت تبعت ملف لصديقك فهتضطر ترفعه على أي موقع من المواقع اللي بتقدم خدمة الرفع على سيرفراتها زي Mediafire و 4shared وغيرها من المواقع المشهورة ونظراً لسرعة الـ upload في مصر اللي بتديلك ربع السرعه بس للـ Upload تقريباً يعني لو أفترضنا أنك مشترك في سرعة 2 ميجا فسرعة الأبلود عندك هي 512  كيلو بايت فالموضوع هيبقى صعب وبياخد وقت طويل جداً غير أن الشخص التاني بردوا هياخد وقت لحد ما ينزل الملف هو كمان . في تكنولوجي جديده وعملية جداً ظهرت مؤخراً وهي إنك تقدر تنقل الملف اللي أنت عاوزه مباشرة Live لصاحبك وبيعتمد على سرعة الأنترنت عند الشخصين  ( المرسل و المستقبل ) الفكره جديده من نوعها ومفيدة في أغلب الأوقات خصوصاً لو أنت عاوز تشارك الملف ده مع شخص واحد


6 صوت بنسبة 83.3%
5 شخص قاموا بالتجربة

الخطوة رقم 1

الموقع الرسمي

أدخل على الموقع الرسمي للخاصية الجديد دي وهتلاقي الرابط الخاص بالموقع مرفق في الجزء الخاص بالمصادر بأخر المقال


الخطوة رقم 2

إدراج الملف

أضغط على " Drag and Drop a file to let loose " علشان تقدر تحدد مكان الملف اللي عاوز تبعته من على جهازك .


الخطوة رقم 3

أختيار طريقة اﻷرسال

هيظهرلك أختيارين الأول : Live Transfer وده بيحتاج أنكم أنتم الأتنين متصلين بالأنترنت .

  الثاني : Cloud Transfer وده بيترفع على سيرفر وهو بينزله عادي ومش شرط أنكم أنتم الأتنين تبقوا متصلين بالأنترنت وقتها .

وهي دي الطريقة العاديه اللي كل السيرفرات التانيه بتستخدمها . هنختار الأختيار الأول وهو Live Transfer .

 

الخطوة رقم 4

عمل رابط مختصر

هنتنقل لصفحة تانيه فيها أختيارين :

1- add contact  وده بيحتاج أنك تكون أنت وصاحبك مسجلين أنت وصاحبك على الموقع وضايفين بعض عليه .

2- Create Link  هنختار الأختيار ده علشان يعمل رابط تبعته لصاحبك .

الخطوة رقم 5

أنتظر الطرف اﻷخر

بعد ما نختار Create Link هيظهرلك نافذه بالشكل ده فيها رابط .. أبعته لصاحبك بس من غير ما تقفل النافذه دي وهتلاقيه كاتبلك رساله بردوا بيفكرك أنك متقفلش النافذه دي نصها .. "Don't close until your friend clicks" .

 

الخطوة رقم 6

بداية التحميل

بعد ما صاحبك يفتح الرابط اللي بعتهوله هيظهرلك أن الملف بدأ تحميل .. أستنى لحد ما التحميل يخلص ومتقفلش النافذه دي لحد ما يكتبلك كلمة Complete وبكده يكون الملف أتبعت لصاحبك مباشرة وبدون سيرفر بالأعتماد على سرعة الأنترنت عندكم أنتم الأتنين .