ازاى أخفى شبكة الواى فاى بتاعتى


أغلبنا الان مشترك في النت ويمتلك  روتر خاص بيه في البيت ومع انتشار برامج الاختراق وسرقة النت نحتاج الى حماية النت من المتطفلين والمخترقين عن طريق إخفاء شبكة الواى فاى  من خلال الشرح ده هتعرف بالصور وبكل سهولة  ازاى تخفي الشبكة بتاعت الواى فاى روتر تى اى داتا وعدم الاكتفاء بكلمة مرور فقط لذلك يجب عليك معرفة اسم الشبكة وكلمة السر ونوع التشفير وهنشرح ازاى ندخل عل ىالشبكة المخفية من الكمبيوتر والموبايل 

14 صوت بنسبة 34.3%
16 شخص قاموا بالتجربة

1

فتح صفحة الروتر وتسجيل الدخول

نفتح اى متصفح على الجهاز ونكتب عنوان الاى بي الافتراضي الخاص بالروتر وغالبأ بيكون (192.168.1.1) يفتح معانا صفحة لتسجيل الدخول هنكتب اليوزر نيم والباسورد الخاصين بالروتر وغالباً بيكون (admin) بجوار اليوزر نيم او اسم المستخدم ونكتب (admin) بجوار الباسورد ونضغط على (login) وفى حالة نسيانهم او عدم فتح الصفحة اتصل بخدمة عملاء الشركة المشترك معها على  انترنت 
 

2

الدخول على Network

يفتح معانا صفحة الروتر وهنلاقي على الجمب كدا قائمة نختار منها (Network) 

1-2

الدخول على wlan

تفتح معانا قائمة جديدة نختار منها (wlan)

2-2

الدخول على SSID Settings

 تظهر معانا قائمة جديدة نختار منها (SSID Settings)

3

تحديد خيار إخفاء الشبكة

تفتح معك صفحة بها اعدادات الواى فاى هتعلم على خيار (Hide SSID) لإخفاء الشبكة وتبقي عارف الاسم والباسورد وتضغط على (SUBMIT) من اسفل 
وتقدر تطبق الخطوات على معظم أنواع شركات الرواتر التي لها نفس الاعدادات وتتشابه في نفس الطرق والاعدادات

4

الدخول على الشبكة المخفية من الكومبيوتر

الطريقة الاولي عن طريق Set up a new connection or network :
1- تضغط على رمز شبكة الواى فاى تفتح لك قائمة الشبكات تضغط على (OPEN Network and Sharing Center)

1-4

اختيار Set up a new connection

تفتح لك نافذة بها اعدادات الشبكات تختار منها (Set up a new connection or network)
 

2-4

اختيار manually connect

 يفتح معاك تختار (manually connect to a wireless network )
 

3-4

كتابة بيانات الشبكة للإتصال

يفتح معاك خيارات تكتب بها اسم الشبكة المخفية وتختار نوع الحماية وتكتب الباسورد وتضفط على (next) بالاسفل

5

الإتصال بالشبكة المخفية بطريقة اخرى

تضغط على رمز WI-FI في الشريط الأسفل تحتح معك قائمة بها كل الشبكات هتلاقي اسم (Other Network) او الشبكات الأخرى تضغط عليها  وتضغط على (connect) او اتصال

1-5

ادخال اسم الشبكة المخفية

تفتح لك نافذة تطلب منك ادخال اسم الشبكة المخفية وتضغط على (ok)

2-5

ادخال باسورد الشبكة المخفية

ثم يطلب منك ادخال الباسورد الشبكة المخفية وتضغط على (ok) عشان يعمل كونكت بالشبكة 

6

الإتصال بالشبكة المخفية من الموبايل

تفتح قائمة الواى فاى الموجودة على جهازك الموبايل وتختار (add network) او إضافة شبكة

1-6

كتابة اسم الشبكة والباسورد

في الخانة الاولة هتكتب اسم الشبكة وبعدين هتختار نوع التشفير وبعدها تكتب الباسورد بتاع الشبكة المخفية ثم تضغط على (save) او حفظ .

الأسئلة غير المجابة
شارك بإجابة مفيدة فى هذا الموضوع

كيفية تغير باسورد تى داتا بدل من admin

اظهر المزيد من الاسئلة