مصر من أكثر الدول في العالم اللي منتشر فيها التهاب الكبد الوبائي فيرس c وعلشان كده بنلاقي اعلانات كتير بتقول انها مطلعة منتج بيعالج فيرس c لانه عارف انه هيبيع لناس كتير وأغلبهم نصب واحتيال وفي منتجات منهم بتكون لسه تحت التجربه

والاهم من العلاج اننا نعرف ازاي نحمي نفسنا من الإصابة بفيرس c لان في ناس كتير حوالينا عندهم المرض سواء كانوا يعرفوا او ميعرفوش

وعشان تحمي نفسك من المرض اتبع الخطوات التالية:

  •  الحذر عند تنظيف البشرة عند الكوافير

فيروس c فيروس بينتقل للإنسان عن طريق الدم بيصيب الكبد وبيسبب تليف ولما الحالة بتتدهور بيؤدي إلى الوفاة وحاجات كتير بنعملها غلط بتخلينا عرضة للمرض

و لأنه بينتقل عن طريق الدم فأي حاجة ممكن تعور الإنسان ويكون بيستخدمها اكتر من شخص بيبقي فيها خطورة كبيرة جدا

وعند تنظيف البشره فى الكوافير يستخدم أداة عشان تشيل الرؤوس البيضاء والسوداء واحيانا كتير بيخرج منها نقطتين دم عن طريق اداة تستخدم لاكتر من شخص ولو الاداة دي مش معمقة كويس ممكن جدا تنقل المرض من شخص لشخص تاني بسهولة جدا

  • الحذر عند عمل البديكير

البديكير هي طريقة لتنظيف الاظافر عند الكوافير باستخدام أداة حادة وممكن جدا الشخص يتعور ويخرج دم علي الأداة المستخدمة ولو متعقمتش كويس جدا واستخدمها اكتر من شخص سهل جدا تنقل المرض ومش بس فيروس C لا هي هتنقل امراض تانية كتير

والحل ان لو حبيتي تعملي بديكير بره البيت يا اما تروحي معاكي الأدوات بتاعتك ويكون محدش بيستخدمها غيرك او انك تتاكدي ان الادوات معقمة قبل ما تستعمليها

  • التأكد من استخدام موس الحلاقة لأول مرة

أثناء الحلاقة الموس بيشيل طبقة من الجلد وسهل جدا الانسان يتعور, وعشان كده لازم تتاكد ان الموس جديد اللي هتستخدمه لو هتحلق عند الحلاق

  • عدم الاستهتار عند علاج الأسنان

من اكتر الادوات اللي بتنقل الأمراض هي أدوات تنظيف وخلع وتركيب الاسنان

وفي الفترة الأخيرة انتشرت ظاهرة ان في ناس صينية بتلف علي البيوت وبتعالج الأسنان بأسعار رمزية ودي كارثة بكل المقايس بتنقل الامراض لانهم بيبقوا مش معقين الادوات

  • تجنب الوشم والتاتو

الادوات اللي بتستخدم في الوشم والتاتو دايما يستخدمها أشخاص معندهمش خبرة في انهم يعقموا الأدوات ومن اكثر الاسباب اللي بتنقل فيروس c لان الادوات دي لازم تخرم الجسم وطبيعي بتخرج دم وبتستخدم لاكتر من شخص

  • تجنبي استخدام Dr.Fish

وده عبارة عن حوض مليان بنوع معين بنوع معين من الاسماك يستخدم لتقشير الرجل عن طريق ان الشخص بيحط رجله في المية السمك بيقوم بااكل الخلايا الميتة

ولو حصل والسمك عض الشخص وخرج من رجله دم وكان عنده فير,س c بيكون كل اللي بعده عرضة للإصابة بالمرض

ويفضل طبعا البعد التام عن الطريقة دي خصوصا ان موضوع تنظيف الارجل من الخلايا الميتة اسهل من كده بكتير وموضوع dr fish ده ممنوع في دول كتير جدا لخطورته

  • نصائــــح

لو هتستخدم اي حاجة باستمرار لازم يكون ليك الادوات بتاعتك اللي مفيش اي حد تاني بيستخدمها غيرك ولو حصل وهتستخدم حاجة لمرة واحده بس لازم تتاكد كويس جدا من تعقمها والتعقيم بيكون عن طريق التعقيم جهاز اسمه أوتوكلاف أو عن طريق او ان الادوات بتنقع بعد التنظيف لم
لازم تتاكد من ان الادوات المعقمة مقفولة في الكيس بتاعها وتتفتح قدامك