أحياناً بتلاقي سرعة اﻷنترنت عندك قليله بشكل مش طبيعي . ومهما عملت ريستارت للراوتر بتلاقي مفيش حاجه بتتغير وشاكك أن فيه حد دخل على الشبكه بدون علمك وعاوز تعرف ميين معاك على الشبكه وساحب إنترنت قد أيه وكمان عاوز تحمي الشبكه بتاعتك من أن أي حد يدخل عليها ؟

النهارده هنمشي مع بعض في خطوات سهله بداية من حماية الوايفاي وكمان إنك تعرف ميين معاك على الشبكة

  • أقفل الـ WPS

أحد أشهر الثغرات اللي الهاكرز بيقدروا يخترقوا منها الـ WIFI بتاعك هي إنك تكون سايب WPS بتاع الراوتر مفتوح .

أدخل على صفحة الراوتر بتاعتك عن طريق كتابة اللينك ده في المتصفح بتاعك

192.168.1.1

وبعدين أكتب الأسم والباسوورد الخاص بالراوتر وبعدين أضغط على Login

علشان تدخل على صفحة الراوتر

  • أقفل الـ WPS

بعد الدخول على صفحة الراوتر أختار Local Network وبعدين أختار منها WLAN وبعدين أختار من القايمة الجديدة كلمة WPS وبعدين أختار Disable من الجزء الخاص بـ WPS Mode .

  •  أخفي الشبكه بتاعتك

أخفي أسم الشبكه بتاعتك علشان محدش يقدر يوصل بسهولة للشبكه بتاعتك بردوا عن طريق إعدادت الراوتر . بعد الدخول على صفحة الراوتر أختار Local Network وبعدين أختار منها WLAN

وخلي SSID Hide متعلم جنبها بـ YES . وبعدين أضغط على كلمة Apply .

  •  أكتشف ميين معاك على الشبكه

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Fing” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة .

بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

  •  كشف اللي معاك على الشبكه

بعد الدخول للأبلكيشن أضغط على علامة الـ Refresh زي العلامه رقم 1 في الصورة علشان يعمل Scan لكل الـ IPs اللي موجودين معاك على نفس الشبكة وعددهم وبأسم الجهاز كمان وأنت عليك تقارن وتتعرف على الجهاز الغريب فيهم.

  •  معرفة أستهلاك جهاز معين

من نفس أبلكيشن “Fing” وبعد عمل Scan للأيبهات اللي معاك على الشبكه

أختار أي جهاز منهم وأختار منها أختيار بأسم Ping .

هيجيبلك تفاصيل أستهلاك كل جهاز وساحب قد أيه من سرعة اﻷنترنت بتاعك