ازاى أحافظ على أسنانى من التسوس

سؤال بيخطر فى بال معظمنا " إزاى أحافظ على أسنانى من التسوس " وكمان نقدر نحافظ على بياضها فى المقالة هتلاقى إجابة وأكثر من خطوة تقدر تعملهم عشان تحافظ على سنانك من التسوس وتتجنب مسبباته من الأصل .


16 صوت بنسبة 90.0%
19 شخص قاموا بالتجربة

الخطوة رقم 1

استخدم الخيط الطبى

استخدام الخيط الطبي باستمرار بيمنع تراكم الاكل بين الضروس وبيساعد علي تنضيف الاسنان في الاماكن اللي متقدرش توصلها فرشة الاسنان .

زي منطقة الفراغات اللي بين الاسنان ومنطقة التقاء الاسنان باللثة اللي تعتبر منطقة خصبة لنمو البكتريا اللي بتسبب التهابات اللثة وفي النهاية فقدان الاسنان

استخدام الخيط مرة واحدة في اليوم بيسمح بإزالة بقايا الطعام من الأسنان اللي بتتراكم لتكون طبقة البلاك اللى بتكون سبب فى تسوس الأسنان بعد كده


الخطوة رقم 2

استخدم غسول الفم

من المهم جدا استخدام مضمضه يوميا او غسول الفم بعد تنضيف الاسنان بالفرشه ..لان خيط الاسنان بيقدر يزيل طبقة البلاك من الاسنان واللثة قبل تكونها لكن الغسول بيقوي طبقة مينا الاسنان لانه بيحتوي علي الفلوريدا

الخيط بيقدر ينضف جزء من الفم والاسنان لكن الغسول بيقدر يوصل ل 100% من الفم كاملا فلا تكتمل عملية التنضيف الا باستخدام الغسل يوميا مرتين وللعلم غسول الفم :-

  • بيساعد علي التخلص من ريحة الفم الكريهه
  • بيمنع الاصابة بالتهابات اللثة
  • بيمنع تكون تسوس الاسنان


الخطوة رقم 3

متنساش فرشة الأسنان

تنضيف الاسنان يومياً بعد كل وجبة من الأشياء الاساسيه زي غسيل الايدي والوجه وبينصح دكاترة الاسنان بعدم تقليل غسيل الاسنان عن مرتين يوميا علي الاقل تباعد فترات غسيل الاسنان بيساعد علي تنشيط البكتريا وتقليل التهابات الفم واللثة وغيرها من مشاكل الفم والمعدة

المدة المناسبة لغسل لاسنان من دقيقتين الي ثلاث دقائق
وتقسيم المدة بالتساوي علي كل ربع فليكن 30 ثانية لكل ربع

استخدام الفرشاة بطريقة أفقية موازية لخط اللثة بيسبب خدوشا في اللثة، لذلك يجب إمالة شعيرات الفرشاة بزاوية 45 درجة على خط اللثة، وبضربات قصيرة وخفيفة من الفرشاة باتجاه عمودي لأعلى وأسفل أو بحركات دائرية.

ينصح أطباء الأسنان أنه من الأفضل البدء كل مرة عند غسل الاسنان بجزء مختلف من الفم، عشان ميتمش إهمال جزء معين وتركه للنهاية حين يصيبك الاحساس بالملل.

الخطوة رقم 4

جلسات تنضيف جير

ينصح بعمل جلسة تنضيف للجير كل ستة اشهر فحاول تروح للدكتور كل فترة عشان يقدر يزيلك طبقات الجير باستمرار قبل تكوينها لمادة صلبه اللى بيسبب جميع مشاكل الاسنان اللى بتؤدى لفقدان سنة كاملة وخلعها او حدوث تأكل للأسنان وبالتالي يستدعى الأمر حشوها

الخطوة رقم 5

قلل من السجائر والمنبهات

السجاير والمنبهات زي الشاي والقهوه والنسكافيه كلها من الأشياء اللى بتسبب تكون صبغات الاسنان السوداء فحاول التقليل منها بقدر الإمكان

او محاولة الاستمرار علي غسيل الاسنان عقب كل مشروب لعدم تراكم المادة الصفرا علي الاسنان وبالتالي تكوين صبغة أو لون أسود علي الاسنان.

نصائــــح

  • الغسول اليومي بيطهر الفم كاملا ومش بياخد وقت حافظ عليه
  • غسيل الاسنان بعد الوجبات او بعد شرب المنبهات مهم جداً
  • متنساش الخضروات والفاكهه زي الخيار والجزر والتفاح

المصـــادر

  • دكتور محمد السيد

الأسئلة غير المجابة
شارك بإجابة مفيدة فى هذا الموضوع

هو انا المفروض ابدا امارس الرياضة بعد اد ايه من الولادة ؟ ..

اظهر المزيد من الاسئلة

الأسئلة المجابة

اعمل ايه عشان بطني انا هولد طبيعي الاسبوع الجاي وبطني بتكون شكله وحش

الأجابة: اعملي تمارين لشد البطن

اظهر المزيد من الاسئلة