كتير بنحس اننا جعانين طول الوقت  ومش عارفين نوصل لاحساس الشعور بالشبع ، ومع استمرار الاحساس ده بتبدا كمية الاكل تزيد بشكل غير طبيعي وفي مواعيد متاخره بالليل وبيبدا الوزن يزيد بشكل كبير في فترة قصيره وحتي لو قررنا نمشي علي نظام غذائي بيفضل الاحساس بالجوع مستمر لفترات طويلة

  • اشرب قهوة وشاي

شرب كوباية من القهوه او الشاي بيقلل الشهيه بشكل كبير ،بيقلل الشعور الكبير بالجوع وبيدي احساس بالشبع ولو لفترة مؤقتة وكمان الشاي مفعوله شبيه بملين للبطن للتخلص من الطعام الزائد بعد الاكل

القهوه كمان بتساعد الجسم علي زيادة معدل الحرق لكن حاول تتجنب شربها بعد الاكل مباشرة لانها شربها بعد الاكل ممكن يسبب تراكم الدهون في منطقة البطن .

  •  قسم وجباتك

قلل من حجم الوجبات بس قسمها علي عدد مرات اكثر من 5-6 وجبات كل 3 ساعات وجبه ، فيهم 3 وجبات رئيسية فطار وغدا وعشاء وبينهم الوجبات الخفيفه سعرتها قليلية بدل 3 وجبات كبيرة بينهم وقت كبير بيخلي الشخص شهيته مفتوحه بشكل اكبر من الطبيعي فتقسيم الوجبات هيقلل من كمية الاكل الكبيره وهيقلل الشعور الدايم بالجوع وهيسبب انتظام مستوي السكر في الدم.

خلي بعض الوجبات خفيفه وسعرتها قليلية زي الفوكهه او الخضار او شوربة او بروتينات خاليه من الدهون .. الخ

  • كتر من السوايل

احيانا المعدة مبتفرقش بين الشعور بالجوع والعطش وده بيخلي الشخص ياكل بنسبة اكبر من الطبيعي ، عشان كده اول خطوة زود المشربات في يومك بشكل عام زي العصاير الطبيعيه والمياه والمشروبات الساخنه و ده هيقلل سرعة شعورك بالجوع وهيمد الجسم بالفيتامينات وهيعوض الجسم السوايل اللي بيفقدها باستمرار و هيقلل من حجم الوجبات اللي بتستخدميها

  • كل ببطئ

المخ بياخد من 15 ل 20 دقيقة عشان يبدأ يدي اشارة للاحساس بالشبع
الاكل مش العامل الوحيد اللي متوقف عليه الاحساس بالشبع الوقت نفسه اللي بياخده الشخص اثناء الوجبه نفسها ومضغ الاكل
حاول تمضغ الاكل ببطئ ده هيساعد علي الهضم وهيساعدك علي الاحساس بالشبع
الكلام اثناء الاكل هيساعدك تاكل ببطئ وبيساعد علي المضغ ببطئ وبالتالي بتاخد وقت اكبر في الوجبة
نصائــــح
شرب المايه من الحاجات الضرورية للحرق وللجسم بشكل عام كتر منها .
خلي القرفه والفلفل والكمون والبهارات بشكل عام حاجه اساسية في وجبتك ، البهارات بتعلي الحرق