دلوقتي ممكن تتحكم في تليفزيونك والرسيفر الخاص بيك عن طريق موبايلك بكل سهولة عن طريق متوافر على المتجر بأسم Peel Smart Remote . التطبيق بيخيد بميزة تحويل موبايلك أو التابلت الخاص بيك إلى جهاز تحكم عن بعد “ريموت كنترول” وهو متوافق مع معظم ماركات التليفزيونات والرسيفيرات .

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Peel Smart Remote” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة .

بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

بعد ما تفتح التطبيق هتلاقي معظم ماركات التليفزيونات الذكية المتوفره في السوق . كل اللي عليك أنك تحدد ماركة تليفزيونك أيه بالظبط من اﻷعدادات اللي هتظهرلك عند بداية التطبيق واﻷختيار ده بيبقى مره واحده بس مش عندك كل مره تفتح فيها التطبيق .

دلوقتي التطبيق هيطلب منك توجه موبايلك في التليفزيون وتضغط على زرار الباور اللي باللون اﻷحمر اللي في الصوره ده وهتلاقي التليفزيون الخاص بيك أشتغل .

هيطلب منك التطبيق أنك تحدد نوع وأسم القمر الصناعي اللي متوجه عليه الرسيفر الخاص بيك .. أختار اللي يناسبك من القايمة ولو ملقتش القمر الصناعي اللي بتدور عليه أضغط على I can’t find my TV from the list provider والتطبيق هيساعدك في إنك تلاقي القمر الخاص بيك

بعد ما تكون ظبطت كل اﻷعدادات هيعرض التطبيق عليك شكل أشبه بالريموت كنترول فيه زراير التحكم كاﻷتي :

1- زرار الباور لفتح وقفل التليفزيون .

2- الجزء الخاص بأنك تعلي وتوطي الصوت .

3- الجزء الخاص بتغيير القنوات .

جرب وأنقلنا تجربتك …