كتير من البنات حاليا بيستخدموا البروتين كمعالج للشعر و لتنعيمه و فرده ، ولكن مع عدم اتباع التعليمات الخاصة بالبروتين وعدم المحافظة عليه بيادي لسحب البروتين من الشعر او علي الاقل عدم الحصول علي النتيجة المرضة عشان كده في المقال ده هنقولك عن اهم الحاجات اللي تتجنبيها اثناء فترة البروتين .

استخدمي الشامبو والسيرم والبلسم الخاص بالبروتين الخالية من الصوديوم والاملاح والمواد الكيماوية عموما وتجنبي تماما عن الشامبوهات العادية اللي هتسبب سحب البروتين من الشعر في وقت قليل .

البسي بونية الماية قبل نزول ماية البحر او حمام السباحة ، من الحاجات المدمرة للشعر عموما هي ماية البسين (حمام السباحة ) خصوصا مع البروتين بتسبب سحب معظم البروتين من الشعر ، حاولي تقللي من نزول الماية بعد البروتين او استخدام البونية المحكم علي الشعر قبل النزول .

بالطبع الزيوت الطبيعية مفيدة جدا للشعر وخصوصا حمام الزيت لكن مع البروتين بياثر بالسلب علي نتيجة البروتين ، يفضل عدم استخدام اي شئ علي الشعر غير السيرم الخاص بالبروتين .

امتنعي عن صبغ الشعر بعد البروتين لان الصبغة بتحتوي علي مواد كيماوية وصوديوم اللي بياثر بالسلب علي البروتين ويكاد يكود بيمحي اثر البروتين من الشعر ، الافضل عمل الصبغة قبل فرد البروتين علي الشعر باسبوعين علي الاقل عشان كمان الشعر ميتضررش ويتاذي .

قللي من عدد مرات استخدام المكواة والمجففات الحرارية عموما لانها بتسبب جفاف الشعر وبالتالي تساقطه خصوصا ان البروتين بيخلي الشعر ناعم ومفرود فالافضل التقليل من استخدام المكواة والسشوار .

تجنبي غسل الشعر بعنف اثناء الاستحمام ، حاولي تغسليه وهو مفرود وتجنبي دكعه بشكل عنيف تعاملي معاه بعنف ودلكي الشامبو الخاص بيه بلطف بحركة دائرية باطراف اصابعك .

متكتريش من غسيل الشعر اكثر من مرتين اسبوعيا ولو اضطريتي لغسله اغسليه بالماية بدون شامبو او اي اضافات .

تجنبي عمل الشعر كيرلي او ضفاير وحاولي تسبيه مفرود علي قد ما تقدري عشان تحافظي عليه مفرود بدون تكسرات او تموجات .