الرجاله عامه مبتحبش أنها تبين مشاعرها بأستمرار أو يقولك علي طول أنه بيحبك ، لأن بالنسبه ليه الحب أفعال مش أقوال وبعد الزواج دا يعتبر أكتر سؤال بتسأليه لنفسك ” هو لسه بيحبني ولا خلاص ” ؟ ، ومع كثره مشاغل الحياه وأنشغاله بشغله أغلب الوقت وصحابه هيدخل الشك جواكي أنه خلاص مبقاش بيحبك ، بس تعرفي ان فيه طرق ممكن تعرفي منها بسهوله سواء لسه بيحبك بجد ولا خلاص ، ودا اللي هنعرضه عليكي دلوقتي :

  •  بيبتسم ليكي

من اكتر الحاجات التي تأكدلك أن لسه زوجك بيحبك ، انه كل ما يشوفك يبتسم في وشك ، وأنك لو أتكلمتي معاه في موضوع بسيط ممكن يضحك ومش هيحس بالأشمئزاز منك ، لأنك ببساطه أجمل حاجه في حياته فلاز ترتسم علي وشه كل علامات الفرحه من كلامك ..

  •  بيساعدك في مشاكلك

كتير من الأزواج بيتعاملوا مع مشاكل زوجاتهم بالسمع فقط ومبيحاولش أطلاقا أنه يقدم حلول ليها ، لكن لو بيقدملك حلول لاي مشكله بتواجهك حتي لو كانت صغيره وبسيطه من وجهه نظره فدا يدل أنه دايما عاوز يسمعك ويساعدك في حياتك علشان تحسي بالسعاده

  •  أنتي أول أهتماماته

دايما بيعاملك أنك أول اهتماماته وانه ممكن يتخلي عن اي شئ في الوجود علشان يكون معاكي ، ودا بيعمله بنفسه مش من طلب منك ..

  •  مش بينتقدك كتير

لو زوجك بدأ يوجهلك العديد من الانتقادات حتي لو علي اشياء بسيطه جدا ، أتاكدي انه مش راضي تماما عن حياتكم وأنه هيخونك لو أستمر الأنتقاد ، أنما لو بيغفرلك ويسامح ويعدي مواقف كتيره وأفعال مش كويسه عملتيها بس مع انتقاد بسيط منه أعرفي انه لسه بيحبك جدا ..

  •  بيشارك في أعمال المنزل

لو هو شايف ان اعمال المنزل كتيره ومتعبه ليكي ، هيساعدك بدون ما تتطلبي لأنه بيحب يخفف عنك دايما اي ألم وهيبقي سعيد انه بيعمل كدا علشان يشاركك ويزود الحب بينكم ..

  •  نجاحك بيفرحه

لو هو بيحبك بجد نجاحك بالنسبه ليه هيفرحه وهتلاقيه دايما بيقدملك اي دعم يقدر عليه ، وهيساعدك دايما انك تقدمي افضل مستوي وهتشوفي الفرحه بعنيه مش مجرد كلام ..

  • نصائــــح

بلاش كل شويه تساليه أنت لسه بتحبني ولا لا ، لأن دا اكتر سؤال الراجل بيكرهه .
أديله مساحه يعيش حياته كويس علشان يحبك أكتر ويقدرك ..
شاركيه في اهتماماته زي لعب البلايستيشن أو أي حاجه بيحبها ..
جددي من نفسك وبلاش تكوني ممله لانه مهما كان بيحبك لو حس بالملل منك هيبدأ يكره حياتكم ..
اي فعل بسيط اظهره لحبك اكديله أنه عمل حاجه كبيره وأنك أسعد زوجه بسب حبه ليكي .