خبز الراس او قشرة الراس عند الأطفال مشكلة شائعة وكثيرة الحدوث وهي بتكون نتيجة طبيعية بسبب تراكم اكتر من طبقة من الزيوت علي راس الطفل ومعها بعض بقايا الجلد الميت او نتيجة لبعض هرمونات الطفل من فترة الحمل اللي بتسبب تحفيز لافراز الغدد الزيتية في البشرة واللي بتسب تكون طبقة من القشر صفراء او مايلة للاحمرار ورغم سهولة حل المشكلة دي الا انها ممكن تتسبب في منظر بشع لراس الطفل ولان كل ام بتهتم بان مولودها يكون في افضل حال فهنقولك في المقال ده بخطوات سهلة وبسيطة ازاي تتخلصي من قشرة الشعر لمولودك .

احلقي شعر الرضيع بعد الولادة لان شعر الطفل الرضيع الاول بيكون الشعر المحاط بماء المشيمة في بطن الام لتسعة شهور ويحتمل انه يكون سبب من اسباب تكون القشور والفطريات .

حطي كمية من زيت الزيتون الخاص بالطهي او زيت اللوز او زيت الأطفال بقطنة علي راس المولود قبل الاستحمام بربع او تلت ساعة بعدين قومي بتسريح راس الطفل بالفرشاة الناعمة او المشط الخاص بيه في عكس اتجاه الشعر ، كرري الخطوة دي مع كل استحمام مع الوقت هتلاحظي ان القشرة بتقل ومره بعد مره بتختفي

راس الطفل الرضيع بتكون حساسة بشكل كبير وبيكون العضم ضعيف ، من المهم مرعاة عدم راس الطفل بشكل عنيف لازالة القشرة ، مشطيها برفق ولين ،واستخدمي الماء الدافئ في الاستحمام لرضيعك .

الفازلين من الطرق الشائعة المستخدمة لمعاجة القشرة للرضيع عن طريق وضعه علي راس الطفل قبل النوم او وضع زيت اطفال وابقاؤه في الليل علي راسه مما يجعل الشقرة طرية وسهلة للازالة وقومي صباحا بتمشيط شعر طفلك بالفرشاة بعكس الاتجاه .

اذا لزم الامر وفضلت القشرة موجودة مع تنفيذ الخطوات السابقة فتوجه لاقرب صيدلية واشتري شامبو مضاد للقشرة خاص بالأطفال وواظب علي استعماله ولكن في حالة استخامه يجب الحرص علي بعد الشامبو عن عيني الطفل .

من الاخطاء الشائعة هي انتزاع الام طبقة القشرة بايديها او بالاظافر لانها بتسبب بقع من الالتهابات في راس الطفل بعد انتزاعها واحيانا زيادة القشرة .

غالبا الطرق دي هتديكي النتيجة المرضية والقشرة هتختفي مع تكرار استخدامها لكن في حالة اذا استعصي الامر زوري الطبيب المختص يكتبلك العلاج المناسب خصوصا ان كانت القشرة مرافقة لالتهابات وحكة وتهيج واحمرار في فروة الراس لانه ممكن يكون التهاب فطري بيحتاج للاهتمام ونوع معين من العلاج من الطبيب المختص .