إزاى أنظم مواعيد نوم طفلى


المولود الجديد بيحدث تغيرات كتيرة في حياة الأم ومن التغيرات دي مواعيد النوم. كتير من الأمهات مش بيحصلوا علي قدر كافي من النوم بسبب عدم نوم طفلهم بانتظام وده بيسبب إرهاق كبير للأم وبيأثر علي الأسرة كلها. بالرغم من أن تنظيم مواعيد نوم للطفل خصوصا المولود الجديد ممكن يبقي تحدي صعب الا إن في شواية نصايح هتساعدك تحسني الوضع ده وتنظمي نوم طفلك زي:

11 صوت بنسبة 45.5%
9 شخص قاموا بالتجربة

1

حافظي علي روتين للنوم

لازم تحددي معاد للنوم وتحافظي عليه تماما مينفعش يتغير أو يتأثر بزيارات ضيوف مثلا أو خروج للنزهة. وقت النوم محتاج يكون في برنامج معين الطفل يتعود عليه وده هيساعدك أنه ينام بسهولة في الوقت ده. أولا حمي الطفل بمية دافية، غيرليه الحفاضة، اقفلي الأنوار أو احتفظي بنور خافت، ورضعية وفي الغالب هينام أثناء ما بيرضع. الروتين ده لو حافظتي عليه في نفس المعاد كل يوم هيساعد أن الطفل ينام بسهولة وإنتظام.


2

ساعدي الطفل أنه يميز بين الليل والنهار

دايما بالنهار بيكون في نور وبالليل لازم النور يبقي خاف وبسيط. كمان النهار بيبقي في أصوات كتير لكن باللبل الأصوات بتقل والدنيا بتبقي هادية. تجنبي أنك تعرضي ابنك بالليل وخصوصا قرب وقت نومه لأحداث كتير وأصوات كتير سواء من التلفزيون أو غيره. الحفاظ علي النظامده بيساعد الطفل أنه يميز بين النهار وقت الأحداث وبين بالليل وقت الهدوء والنوم.


3

تابعي طفلك جيدا

من النصايح المهمة جدا للأم أنها لازم تلاحظ امتي طفلها بيجوع وبلاش تنتظر لحد أما يبدأ يعيط وبشدة من الجوع لأن ده بيخالي مهمة الرضاعة أصعب. نفس الشئ بالنسبة للنوم، متستنيش لحد أما طفل يكون مرهق وبيعيط عشان عاوز يبدأ في روتين النوم متتأخريش عليه لاحظي العلامات دي مبكرا وابدائي معاه  روتين النوم. في أول ٦ ل٨ أسابيع الطفل مش بيقدر يكون صاحي أكتر من ساعتين متصلتين في المرة الواحدة بلاش تستني أكتر من كدة عشان تحاولي تنيميه.

 

4

ضعي طفلك أولا

في البداية ينصح الأم أنها تحاول تتأقلم علي مواعيد نوم طفلها مش العكس. لو طفل بينام متأخر أو بينام بدري لازم تهيئي نفسك علي مواعيد نومه.

5

خليكي واقعية

كل الأطفال حديثي الولادة بيمروا بأوقات نومهم بيكون مش منتظم. مهما بذلتي من مجهود هيكون دايما في أوقات نوم الطفل فيها مش مظبوط خاليكي صبورة وتقبلي الوضع لأن دي فترة وهتعدي كل الأطفال مروا بيها.

نصائــــح

  • خليكي هادية وحافظي علي هدوئك لأن مزاج ونوم طفلك هيتأثر بمزاجك الشخصي.

هل لديك أي أسئلة بخصوص هذه المقالة؟